တန်ဖိုး ဖြည့်ပေးသူတွေ

အားလုံး မင်္ဂလာပါ။

တစ်လောက တွေးမိတာ တစ်ခုက ကိုယ်က အလုပ်သာလုပ်နေတာ ငွေကြေးပိုက်ဆံမရနေပါလားပေါ့။ လုပ်တာတွေက စေတနာ့ ဝန်ထမ်း၊ ရိပ်သာမှာကူတယ်၊ အင်းလေး ဒေသ ပစ္စည်းသွားလှူမယ်၊ ပျက်စီးစရင်း ကောက်မယ် ဆိုလဲပါသွားတာပဲ။ ဒီအလုပ်တွေက ငွေကြေး အနေနဲ့ မဝင်နေတော့ စိတ်ထဲ မကျေနပ်သလို တစ်ချက်တော့ ဖြစ်မိတယ်။ ဒါပေမယ့် ဒီနောက်ပိုင်းမှာ ပြန်တွေးမိတာက အရာရာတိုင်းကို ငွေကြေးနဲ့ တိုင်းတာဖို့ မသင့်ဘူးဆိုတာပါပဲ။

ကိုယ်လုပ်လိုက်တဲ့ အလုပ်ကြောင့်၊ ကိုယ်ပါဝင်လုပ်ဆောင်တာလေးကြောင့် တစ်ဘက်လူ ဒါမှမဟုတ် အသင်းအဖွဲ့က ပို အဆင်ပြေသွားတာ၊ တန်ဖိုးတက်သွားတာကပဲ ဝမ်းသာ မုတိသာ ပွားစရာပါပဲ။ လူအသင်းအဖွဲ့ တစ်ခု ပိုမို အဆင်ပြေသွားစေတာ၊ ယောဂီ တစ်ယောက် ပိုမို စိတ်ချမ်းသာသာ နဲ့ တရားဘာဝနာပွားများနိုင် စေဖို့ ပံ့ပိုးပေးတာ ဒါမျိုးတွေက ငွေနဲ့ ပေးဝယ်လို့ မရတဲ့ အရာတွေပါ။

တရားအားထုတ်တာက လောကဓါဏ် ကို ပိုမို ခံနိုင်လာတာ၊ အပြစ်တင် ညဥ်းတွား complain တက်နေမယ့်အစား ကိုယ် လုပ်နိုင်တာကို လုပ်ဆောင်လာတတ်တာ စတဲ့ အကျိုးတွေကို ပေးနိုင်တာမို့ ကိုယ့်ဆွေမျိုး မိတ်ဆွေ တွေကို လည်း တရားစခန်း မှာ ဝင်ပြီးအားထုတ်ဖို့ တိုက်တွန်း ဖြစ်ခဲ့ပါတယ်။ တိုက်တွန်းရုံမကပဲ လစဥ် တရားစခန်း ကျင်းပတဲ့အခါ ယောဂီတွေ ချမ်းချမ်းသာသာ အဆင်ဆင်ပြေပြေ တရားအားထုတ်နိုင်အောင် ကိုယ်တတ်နိုင်တဲ့ အပိုင်းက လုပ်အားပေးကူညီတာတွေ လုပ်ခဲ့ပါတယ်။

source: https://nonprofitlawblog.com/if-i-were-a-billionaire-philanthropist/

စေတနာ့ဝန်ထမ်းတာက မွန်မြတ်ပေမယ့် ဒီလို လုပ်မယ့်သူက ငွေကြေး ခိုင်မာမှုတော့ ရှိထားသင့်တယ် ထင်ပါတယ်။ ဒါမှပဲ စိတ်အေးအေး နဲ့ ဒီလို အလုပ်တွေကို လုပ်နိုင်မှာမို့ပါ။ ကျွန်တော့်အနေနဲ့ လဲ ငွေကြေးပိုင်း အရမ်းလိုအပ်နေတာ မရှိလို့ ဒီလို volunteer အလုပ်တွေလုပ်ဖြစ်တာ ဖြစ်ကောင်းဖြစ်နိုင်ပါတယ်။ ဘယ်လိုပင်ဖြစ်ပါစေ ကျွန်တော်တို့ လူ့အသိုင်းအဝိုင်းမှာ စေတနာ့ ဝန်ထမ်းတွေ လိုအပ်တာတော့ အမှန်ပါပဲ။

ဤအားလုံးကျန်းမာကြပါစေ။

@princekham
13th April 2025
Myanmar