သောက်ရစ် ပွကြီး။

ကျွန်တော့်အကို တာယာပွကြီးက ယမကာ
လုလင်ဖြစ်သည်။ ယမကာ ကိုသာ မှီဝဲရပါမူ
ထမင်းမစားပဲ နေနိုင်သည်ဟု သူ့နှုတ်မှ ဖွင့်ဟ
ပြောဆိုသည်။ သူသည် ယခင်က တာယာအဟောင်းများကို လှီးဖြတ်၍ တာယာဖိနပ်၊ ရေပုံး၊ ရေကန်၊
ရေငင်ကြိုးများ ပြုလုပ်သည်။ ယခုတော့ သူက
အသက်ကြီးပြီးဖြစ်၍ ပင်ပန်းသော တာယာလုပ်ငန်း
ကို မလုပ်နိုင်တော့ဟု ပြောသည်။

တာယာလုပ်ငန်းသည်က အင်နဲ့ အားနဲ့ ပြုလုပ်
ရသော အလုပ်ဖြစ်၍ ပင်ပန်းသည်။ သူ လူပျိုပေါက်
အရွယ်က အဖေနဲ့ အကိုတို့သည် ယမကာလုလင်
များဖြစ်နေသည်။ ထိုစဉ်က သူသည် အဖေနဲ့
အကိုတို့အား အရက်သောက်သဖြင့် အလွန်စိတ်ဆိုး
ခဲ့သူဖြစ်သည်။ သူက အရက်သမားမဟုတ် သူဌေး
ဖြစ်ချင်တာ ဟု ငယ်စဉ်က ပြောဆိုခဲ့သည်။
သူသည် ချမ်းသာသူဖြစ်ချင်သောကြောင့်
ပညာရေးကို ဆုံးခန်းတိုင်အောင် မသင်ယူပဲ
တာယာလုပ်ငန်းကို လုပ်ကိုင်ခဲ့သည်။

သူဌေးဖြစ်ချင်သူ တာယာပွကြီးက လောင်းကစား
လည်း အင်မတန်မက်သူဖြစ်သည်။ သူဌေး
ဖြစ်ချင်သူကြီးသည် စိတ်သဘောထားကောင်းသူ
လည်း ဖြစ်ချင်သေးသည်။ ညနေ ယမကာထွေ
လာပါမူ အိမ်မှာရှိသော လူအပေါင်းကို ရန်ပြုလုပ်သည်။
ယခင်က အဖေနဲ့ အကိုတို့ အရက်သောက်
သည်ကို အပြစ်ဖို့ခဲ့သူသည်။ အဖေနဲ့ အကို တို့ထက်
သာလွန်သူကြီးဖြစ်နေပေသည်။

အဖေနဲ့ အကို က အရက်သာ သောက်သည်။
သူက အရက်၊ ဆေးလိပ်နှင့် ကွမ်းယာပါ အပို
ဆောင်ခဲ့သူဖြစ်သည်။ ဒီကြားထဲ နှစ်လုံး၊ သုံးလုံး
ကိုလည်း ထိုးလိုက်သေးသည်။ သူက လောင်းကစားနဲ့
အကျိုး‌ပေးတတ်တယ်ဟုလည်း ပြောပြန်သည်။
တနေ့ကတော့ သူ့တာယာလုပ်ငန်းကို အနည်းငယ်
ပြန်လုပ်သည်။ အလုပ်လုပ်တာ ပင်ပန်းသည်ဟု ပြော၍
ယမကာမှီဝဲသည်။ သူလုပ်သော အလုပ်မှ
ရသောငွေသည်သူ သုံးစွဲသည်နှင့် ကုန်ပေသည်။
တနေ့က ရေငင်ကြိုးများရောင်းချသည်။ ငွေတစ်သိန်းကျော်ရသည်။

![](

ထိုငွေမှ နှစ်သောင်းပြန်တောင်းသွားသည်။
ယနေ့မှာလည်း တာယာအရင်းပြုလုပ်ရန်အတွက်
ငွေနှစ်သိန်း ထပ်မံတောင်းပြန်သည်။ လူက
ငွေတောင်းရင်း နေ့လယ်ခင်းမှာ မူးနေသည်။
အမေက ရန်မပြုစေချင်သဖြင့် ငွေပေးလိုက်ဟု
ပြောသည်။ သူ့ကိုငွေပေးရန် အငယ်မက ငွေ
ရေတွက်နေစဉ်။

"ဟ ကြာလိုက်တာ မြန်မြန်လုပ်ပါ။ စီးပွားရေး
လုပ်မလို့နော်။ နင်တို့ ငွေယူတုန်းကလို
လက်က သွက်သွက်လက်လက် ရှိကြစမ်းပါ"

တာယာပွကြက သူ့လက်ထဲ ငွေယားလေးရှိနေပါမူ
ယမကာထွေထွေဖြင့် လူတိုင်းကိုရန်လုပ်သည်။
အဲ သူ ရန်လုပ်သည်က အိမ်မှာရှိသော မိသားစု
ကိုသာဖြစ်သည်။ အပြင်မှာရှိသော လူများဖြင့်
စကားပြောဆိုပါမူ လူက အဆင်ပြေချောမွေ့သူ
ဖြစ်သည်။ ထိုကြောင့် လူပျိုကြီးက သဘောကောင်း
တယ်။ သို့ပေသိ သူနဲ့ အင်မတန်ရင်းနှီးသူ အချို့
သည်လည်း သူ၏ ယမကာရစ်တွင်းမှာ မကင်းနိုင်
ကြပေ။ လူပျိုကြီးက မသောက်ရင် သဘောကောင်း
တယ်၊ သောက်လာရင်တော့ အင်မတန်ရစ်တာကလား။
ထိုကြောင့် သူ့ကို ကွယ်ရာမှာ သောက်ရစ်ဟု
ခေါ်ဆိုကြသည်။

@htwegyi
August 23, 2025