RE: Aiming for 150K Hive

I think aapne mujhe thoda sa galat samajh liya.. is platform ke sath aapki commitment sirf 8+ years se hi nahi pata chalti balki aapki consistent engagement aur aapki HP holding se bhi pata chalti hai jo ki kisi ke liye bhi ek inspiration ki tarah hai. Parr, 'aap hive ka future Kahan aur kitna door dekhte ho aur aap kitni lambi race ke liye yahan ho.' se mera matlab tha ki ye aapki investing psychology par nirbhar karta hai kyunki maan lo agar aap hive ko $1 ya usse upar hi dekhte ho to phir usse niche hive aapke liye discounted hi hai aur aap Arjun ki tarah macchli ki aankh matlab $1 ya usse upar hi dekhoge phir wahan jaane mein bhale hi ise kuch years hi kyun na lag jayen. Dusri taraf main apna example leta hoon, Price action analysis karne par mujhe lagta hai ki beshak hive $1 bhi jayega lekin usse pahle ye shayad 0.01 bhi jayega to main swing highs par sell karke hbd hold karna prefer karta hoon.

In dono examples mein Hive ka future $1 ya usse upar hi hai. Aap Macro level par analysis karke ek lambi race ke liye $1 ko hi dekh rahe ho aur main Micro level par analysis karke $1 ke sath uski sambhaavit journey mein chhoti-chhoti races ko bhi dekh raha hoon. Aur ho sakta hai hum dono hi sahi hon kyunki financial market ka dusra naam hi uncertainty aur unpredictability hai. Isiliye maine kaha tha 'dono strategies mein se kise follow karna hai ye is baat par depend karta hai ki aap hive ka future Kahan aur kitna door dekhte ho aur aap kitni lambi race ke liye yahan ho.' :)