Binance Wallet အကောင့်ဖွင့်ခြင်း

မိတ်ဆွေများအားလုံး မင်္ဂလာပါ။ သာယာတဲ့နေ့လေး ဖြစ်ပါစေ။ ဘေးရန်တွေလည်း ကင်းပါစေ။ ကျွန်မလည်း ဘေးကင်းပါတယ်။ ဒီနေ့မှာတော့ မန္တလေးမြို့မှာ ယခု စာရေးနေတဲ့အချိန်ထိ ငလျှင် မလှုပ်သေးပါဘူး။ အချိန်အားဖြင့် ၂၄နာရီ ကျော်လွန်ခဲ့ပါပြီ။ ငလျှင်လှုပ်ချိန် ပိုဝေးလေ အန္တရာယ်ကင်းလေ ခံစားရပါတယ်။ ငလျှင်နဲ့ ကျွန်မတို့နဲ့ ဝေးလေ ကောင်းလေပါပဲ။

ငလျှင်ကြောင့် အသက်ရှင်ခွင့်ရလိုက်တဲ့ အချိန်ကစပြီး အချိန်တွေနဲ့ အသက်ဟာ ပိုပြီးအဖိုးတန်လာတယ်လို့ ကျွန်မတော့ ထင်မိပါတယ်။ ဒါကြောင့် အချိန်တွေကို ပိုပြီး အကျိုးရှိအောင် အသုံးချနေပါတယ်။ ကိုယ်ဝါသနာပါရာ Cryptoနဲ့ ပတ်သက်တဲ့သတင်းတွေကို တရက်လျှင် အနည်းဆုံး ၁ပုဒ် ကြည့်ရှု့မှတ်သားမယ်လို့ စိတ်ကူးထားပါတယ်

ဒါကြောင့် Binance ကို စတင်လေ့လာဖြစ်ပါတယ်။ စွယ်စုံကျမ်းလို့ တင်စားထိုက်တဲ့ Youtubeကနေ အရင်ဆုံး လေ့လာပါတယ်။ ပထမဆုံး လေ့လာဖြစ်တာက Binanceရဲ့ Walletဖြစ်ပါတယ်။ Binance ကို အသုံးပြုတာ ကြာပြီ ဖြစ်ပေမဲ့ Binance Walletကို အသုံးမပြုမိပါဘူး။

အခုမှ တောင်ကလိ မြောက်ကလိရင်း Binance Walletကို ဖွင့်နိုင်ခဲ့ပါတယ်။ ဒါတောင် Walletအရွေးမှားလို့ အတော်လေး တိုင်ပတ်ခဲ့ပါသေးတယ်။ Videoတွေ ရှာကြည့်လိုက် ကလိလိုက်နဲ့ နောက်ဆုံးမှာတော့ Binance Walletကို အသုံးပြုနိူင်ခဲ့ပါ။ Youtubeပေါ်က သင်ဆရာ ကြားဆရာများ အားလုံးကို ကျေးဇူးအထူးတင်ရှိပါတယ်။