project နောက်တစ်ခု (online ကင်မရာ)

အားလုံး မင်္ဂလာပါ။

ဒီနေ့ စီမံကိန်း နောက်တစ်ခု စပါမည်။ project ကို စီမံကိန်းလို့ပဲ ပြန်ရမှာ ထင်သည်။ စီမံကိန်းဆိုတော့ အထုတ်လိုက်အထည်လိုက် အကြီးကြီး တစ်ခုခုပြေးမြင်ကောင်းမြင်မည်။ ကျွန်တော့် ရဲ့ အခု စီမံကိန်းကတော့ အသေးလေးပါပဲ။ camera နဲ့ ESP32 ချိတ်မည်။ ပြီးရင် network ပေါ်က နေ အဝေး အိမ်တွင်းတစ်နေရာမှာ ထားပြီး ဖုန်းကနေ လှမ်းကြည့်မည်။ ခြံတခါးမှာထား နိုင်သည်။ လှူပ်ရှားမှု တစ်ခုခု မြင်ရင် ကိုယ့်ဆီကို အီးမေးပို့ပေးနိုင်သည်။ နောက်တစ်ဆင့်အနေနဲ့ image recognition ဖြင့်လူရုပ် ခွေးရုပ် စသည်ဖြင့် ခွဲခိုင်းမည်။

project လေးတွေ လုပ်တော့ လုပ်ဖြစ်နေတယ်ဆိုပေမယ့် အခြားသူတွေ အသုံးပြုဖို့ လို သည်ဟုထင်သည်။ လောလောဆယ်တော့ အိမ်မှာ ပဲ အသုံးပြုဖြစ်နေသေးသည်။ ဟိုတစ်ရက်က ရိပ်သာ ရေကန်အတွက် ရေအနက် တိုင်းသည့် ဆင်ဆာ လုပ်ဖြစ်သည်။ သို့သော် ရိပ်သာမှာ ဝိုင်ဖိုင် မရသေး။ ဒီနေ့ကျတော့ အင်တာနက် တပ်ဖို့က ကြိုးဆွဲဖို့ မဖြစ်နိုင်လို့ ပြောလာတာမို့ ရိပ်သာမှာ ဝိုင်ဖိုင်ရဖို့ မဖြစ်နိုင်သေးပါ။ ဒီ ဆင်ဆာကလည်း ဝိုင်ဖိုင်ရှိမှ အဆင်ပြေမှာမို့ လောလောဆယ် မတပ်ဖြစ်သေးပါ။

Premium တဲ့လား

ဟိုတစ်ရက်က MTU ကျောင်းက အမ တစ်ယောက်နဲ့ ဆုံဖြစ်သည်။ သူက အလုပ်မဝင်တော့ဘူးလား ဆိုတော့ ကျွန်တော်က အလုပ် မလျောက်ဖြစ်တော့ဘူးလို့ ပြောလိုက်သည်။ အဲဒီတော့ သူက အေးလေ နင်တို့က premium ဆိုတော့ အလုပ်မလုပ်လဲ ရတာပေါ့တဲ့။ နင် AIT မှာ မာစတာဘွဲ့ ယူထားသေးတယ်မလားတဲ့။ ကိုယ်ကလည်း လောလောဆယ် အလုပ် / လုပ်ငန်းဆိုလို့ မယ်မယ်ရရ ပြဖို့မရှိနေ။ အလုပ်ရှိတဲ့ နေရာ အလုပ်ဖြစ်တဲ့နေရာကိုလည်း မသွား။ တစ်ရွာ မပြောင်းသူကောင်းမဖြစ် ဆိုတာ မှန်နိုင်ကောင်းပေမယ့်။ခေါတ်အခြေအနေ နဲ့ လှုံခြုံရေးအရ ပြောင်းနိုင်တဲ့ အနေအထားလဲ မရှိ။ အဲဒီတေ့ ကိုယ်နေနဲ့ နေရာမှာပဲ အကောင်းဆုံး model အဖြစ်နေရဦးမှာပဲလေ။ ကျောင်းက အမ ပြောသလို အလုပ်လုပ်စရာမလိုတဲ့ premium.

@princekham

27th May 2025

Myanmar