ဘုန်းကြီးတောင်သိတယ်

အားလုံး မင်္ဂလာပါ။

လွန်ခဲ့တဲ့ သုံးနှစ်‌လောက် ကပေါ့ ဟိုပုန်း အထွက်ဘက် မဲနယ်တောင်နားက ကျောက္ကချားရွာ တိုင်တစ်ရာကျောင်းကိုရောက်ခဲ့တယ်။ ကျောင်းထိုင်ဘုန်းကြီးထင်ပါတယ်၊ ရေနွေးကြမ်းနဲ့ ဧည့်ခံတယ်။ နေ့လယ်စာ (ယူသွားတဲ့) ကြက်ဆီထမင်းလေးစားပြီး ဘုန်းကြီးနဲ့ စကားပြောဖြစ်တယ်။

ီာက်ခံ

ဒကာ ဘယ်ကလဲ၊ ဘာ အလုပ်လုပ်လဲ၊ အိမ်ထောင်နဲ့လား စသည်ဖြင့်။

ကျွန်တော်ကလည်း အိမ်ထောင်မရှိတဲ့ အကြောင်း၊ အလုပ်ကတော့ အရင်က မန္တလေး WHO မှာ လုပ်ပေမယ့်၊ အဖေဆုံးပြီးတဲ့နောက် အလုပ်မဝင်ဖြစ်တော့ကြောင်း ပြန်ဖြေပါတယ်။

အဲတော့ ဘုန်းကြီးက ဘာမိန့်လဲဆိုတော့ အိမ်ထောင်ပြုဖို့ဆိုရင် စီးပွားရေး အဆင်ပြေမှဖြစ်တဲ့ အကြောင်း ပြောပါတယ် ၊ ဘုန်းကြီး မိန့်တာကိုအတိအကျ ပြန်မပြောနိုင်ပေမယ့် အဲလိုပုံစံ ပြောတော့ အော် ဟုတ်သားပဲ ငါအိမ်ထောင် မပြုတာ ပိုက်ဆံတွေ မပိုလျှံနေလို့ပဲနော်လို့ ဉာဏ်အလင်းရသွားပါတယ်။

အေးပေါ့ ကိုယ်သာပိုက်ဆံတွေပိုနေရင် ကိုယ်သဘောကျတဲ့သူကို သွားများ တင်တောင်းနေမလား။

အခုလည်း သုံးဖို့ ဝင်ငွေကရှိပေမယ့် လုပ်ငန်းကမရှိ၊ အလုပ်ရှိပေမယ့် ငွေဝင်တဲ့ အလုပ်မဟုတ် နဲ့ ပါတ်ခြာလည်နေတယ်။သူများသားသမီး မြင်ကောင်းလောက်အောင် အနည်းဆုံး for-show လုပ်ငန်းတောင်မပြနိုင်ဆိုတော့ အဲတုန်းက ဘုန်းကြီးပြောတာကို ပြန်သတိရမိပါတယ် လို့ပြောရင်းနိဂုံးချုပ်ပါတယ်။

@princekham

29th May 2025

Myanmar