အားလပ်ချိန်လေး

အားလုံး မင်္ဂလာပါ။

source: https://www.makemebetter.net/importance-of-free-time-in-our-daily-routine/

• မနေ့က အဖိုး‌လေး အဖွားလေးတို့လာလည်တယ်၊ ပဠါန်းကြီးရွတ်ဖြစ်တယ်တဲ့ နေ့ခင်း ၂ နာရီကနေည ၇နာရီထိတဲ့၊ အားနေလို့ပါတဲ့။
• ကိုယ်လဲ အဲလိုအားတာ‌မျိုးလေးရှိသင့်တာ။ အဲလို ကောင်းမှုလေးတွေအတွက်အားလပ်ချိန်ရှိတယ် ဆိုတာမျိုးဖြစ်အောင် စီမံရမှာလို့မြင်ပါတယ်။ အားလပ်ချိန်နည်းလာတော့ သားရေ ဒါလေးလုပ်ပေးပါဦး လို့ အမေက ခိုင်းတဲ့အချိန် 'သားမအားသေးဘူး' ဆိုပြီးမလုပ်ပေးနိုင်တာ၊ အချို့ကလဲ ငါလဲ အလကား အားအားယားယားနေနေတာမဟုတ်ဘူးလို့ ဆိုပြီး အလုပ်များတာကို ဂုဏ်ယူနေတတ်တာ စတာတွေ တွေ့ရပါတယ်။ ကျွန်တော့်အနေနဲ့တော့ ဘာပဲလုပ်လုပ် စိတ်အေးအေးထားတတ်ပြီး အချိန်နဲ့ အလုပ်ကို စီမံတတ်ဖို့လိုတယ် လို့မြင်ပါတယ်။
• အာားလပ်ချိန်လေး တွေရဖို့ဆို ပထမ အပို အလုပ်တွေလျော့ရမယ်။ ရိပ်သာက ဦးစိုင်းလုံ ပြောသလို ဘုန်းကြီး ခါးပန်းကြိုး ကြွက်ကိုက်သလိုပဲတဲ့ ( ဒီ အကြောင်းမသိရင် အင်တာနက်မှာ 'ဘုန်းကြီး ခါးပန်းကြိုး ကြွက်ကိုက်' လို့ရိုက်ရှာနိုင်ပါတယ်။ အချို့အလုပ်က စလုပ်လိုက်တာနဲ့ နောက်ဆက်တွဲ လိုအပ်ချက်တွေကို ဆက်ဆက်လိုက်လုပ်ရင်း မပြီးနိုင် တော့ဘူး။ မလိုတာကို မလုပ်တာ အကောင်းဆုံး ထင်ပါတယ်။
• အလုပ်တွေကို အလိုအလျောက် မောင်းနှင်နိုင်အောင် automate လုပ်ရမယ်။ အိမ်မှာဆိုရင် ရေမော်တာ၊ အဝီစိတွင်း မောင်းတာကို အလိုအလျောက် လုပ်ဆောင်စေတာမျိူး လုပ်ထားရင် ကိုယ့်အတွက် အချိန်ကုန်သက်သာစေပါတယ်။
• အခြားတစ်ယောက်ကို အလုပ်လွဲပြောင်း လုပ်စေတာ delegate လုပ်ရမယ်။ တစ်ခါတစ်လေ အချို့အလုပ်တွေကို ကိုယ်လုပ်မှ ရတယ် ဆိုပြီး စွဲနေတတ်ပါတယ်။ အခြားတစ်ယောက်လုပ်နိုင်တဲ့ အလုပ်ကို အခြားသူကို လွဲပေးထားပြီး ကိုယ်က ရလဒ် နဲ့ သူ့ရဲ့လုပ်ဆောင်မှုကို ကြည့်မယ်ဆိုရင် ကိုယ့်အတွက် အချိန်ထွက်လာမှာပါ။

အခြားနည်းတွေရှိရင်လည်းပြောနိုင်ပါတယ်။ ဒီလို အားလပ်ချိန်ရလာရင် မိသားစုအတွက် ကိုယ့် ဝန်းကျင် community အတွက် အချိန်ပိုပေး လုပ်ဆောင်တာ တွေလုပ်နိုင်လာမှာမို့ ပျော်ရွင်တဲ့ဝန်းကျင်ကိုလည်း ဖန်တီးနိုင်မယ်၊ ပြီးတော့ ကိုယ့်အတွက် ပိုပြီး အရေးပါတဲ့ အရာတွေအတွက် အချိန်ပေးလာနိုင်မယ် (ကျန်းမာရေး လိုက်စားတာမျိုး) လို့ မြင်မိပါတယ်။

ဤအားလုံးကျန်းမာကြပါစေ။

@princekham
27th Feb 2024
Myanmar