မိသားစုဇာတ်ကြောင်း ၇/ ဒုက္ခချိုချို

ရာသီဥတုက အလွန်ပူသည်။
လျှပ်စစ်မီး ပြတ်တောက်နေတာက များတော့ အအေးဓာတ်ရအောင် Electric Fan and Air-cooler တွေ ကြာကြာ သုံးလို့ မရပေ။
နေ အလွန်ပူတော့ တိုက်ခတ်လာတဲ့ လေ ကလည်း ပူသည်။
တခါတလေတော့ လေပြေအေး တိုက်ခတ်လို့ နေရသက်သာသည်။
အပူချိန်မြင့်မားနေတော့ ကျွန်တော်တို့လို အရွယ်မရောက်သေးတဲ့ ကလေး‌နှစ်ယောက်၏ မိဘ အဖြစ်က မသက်သာလှပါ။

နွေနေ ၏ အပူဒဏ်ကို သားကြီး ကတော့ ခံနိုင်ရည် အနည်းငယ်ရှိသည်။
သားကြီး ကို အပူထဲ ထွက်ပြီး မကစားစေရန် နေ့လည်ခင်းမှာ တရေး အိပ်ခိုင်းရသည်။
https://images.ecency.com/p/2FFvzA2zeqoVPgRCnRzbu6rj6tCWHWVCA9ZaKB4Zqpu3ZansoRmKvWMnPkg1X51LpEqdXZuFMGcNGvmtMQe6wtAmhJ1QFhbZuHaTjZcWhvuEw98HE4ypzGMKCRZ8a.webp?format=webp&mode=fit
သမီးငယ် ကတော့ ပူလျှင် မအိပ်တော့ပါ။
သမီးငယ် သည် ပူနေလျှင် သူမအား ချီပွေ့ထားမှ ကျေနပ်သည်။
သို့မဟုတ်က သမီးငယ် သည် ငိုတတ်သည်။
သမီးငယ် ကို အခင်းပေါ် ချသိပ်ထားလျှင် မပူစေရန် ဂရုစိုက်ရသည်။
ဒီရာသီဥတု အခြေအနေမှာ မပူအောင် ကျွန်တော်တို့ ဘယ်လို စွမ်းဆောင်နိုင်ပါမလဲ။

သမီးငယ် ကို ဂရုစိုက်ရသော ၊ နို့ချိုတိုက်ကျွေးနေရသော မေမေမှာ ပိုပင်ပမ်းရသည်။
နေ့မှာ အပူဒဏ် ခံပြီး ကလေးတွေကို ဂရုစိုက်ပေးရသလို ညဘက်မှာလည်း သမီးငယ်ကို ဂရုစိုက်ပေးနေရသည့်အတွက် အိပ်ရေးပျက်ရသည်။

ဒီဝန်တာတွေ ကတော့ ဥစ္စာဓန မပြည့်စုံတဲ့ မိဘတွေမှာ ပိုမို ခံစားရပါသည်။
တကယ်တော့ ဒီဒုက္ခတွေက မိသားစုဖြစ်ခြင်း၏ ချိုသောဒုက္ခ ပါပဲ။
သားသမီးဝန်တာကို မိဘ ဖြစ်တဲ့ ကျွန်တော်တို့တွေက ကိုယ်တိုင် ရွေးချယ်ယူခဲ့ကြတာပဲ မဟုတ်ပါလား။

ဆက်ရန် ...