EPL Round 2 & FPL Game Week 2
EPL Round 2 ကတော့ ပြန်လည်လို့ ရောက်ရှိလာခဲ့ပြီ။ ဒီနေ့ မနက် 1 နာရီခွဲ မှာ West Ham vs Chelsea တို့၏ ပွဲစဉ် ကစား၏။ Chelsea က 1-5 ဖြင့် အနိုင်ရသွားခဲ့၏။ Round 1 မှာ တမှတ်သာ ရခဲ့သည့် Chelsea အဖို့ Round 2 မှာတော့ ဂိုးပြတ်သွင်းကာ အနိုင် 3 မှတ် ရယူသွားခဲ့၏။ West Ham အသင်း အနေဖြင့် 2 ပွဲကစားပြီးချိန်မှာပင် 2 ပွဲလုံး ရှုံးနိမ့်ထားခဲ့ရလေတော့၏။ Round 1 မှာတုန်းက တန်းတက် Sunderland ကို 3-0 ဖြင့် ဂိုးပြတ် ရှုံးနိမ့်ထားခြင်း ဖြစ်၏။
ဒီနေ့ ညနေ 6 နာရီမှာတော့ Man City vs Tottenham တို့၏ ပွဲကောင်းတပွဲလည်း ကစားသွားဖို့ ရှိနေ၏။ တသင်းသင်းက အမှတ်ပြည့်ယူသွားမလား ဒါမှ မဟုတ် အမှတ် ခွဲဝေ ယူသွားမလားကတော့ စောင့်ကြည့်ရပေလိမ့်ဦးမည်။ Round 1 မှာ United ကို အဝေးကွင်းမှာ 0-1 ဖြင့် အနိုင်ယူထားသည့် Arsenal အနေနဲ့ Round 2 မှာ တန်းတက် Leeds အသင်းကို အိမ်ကွင်းမှာ ယှဉ်ပြိုင်ကစားရမည် ဖြစ်၏။ United ကို အနိုင်ရခဲ့ပေမယ့် ခြေစွမ်းပိုင်းမှာ လိုအပ်ချက်တွေ ရှိနေသေးတာတော့ အမှန်ပင်။
Championship ချန်ပီယံ အဖြစ် တန်းပြန်တက်လာခဲ့သည့် Leeds အနေနဲ့ကလည်း Round 1 မှာ Everton အသင်းကို အိမ်ကွင်းမှာ 1-0 ဖြင့် အနိုင်ယူထား၏။ ယခုပွဲစဉ်မှာတော့ Arsenal ပဲ အမှတ်ပြည့် ရသွားမယ် ထင်ပါ၏။ တန်းတက် နှစ်သင်း တွေ့ဆုံနေမှုကလည်း စိတ်ဝင်စား စရာပင်။ Burnley vs Sunderland တို့၏ ပွဲစဉ် ဖြစ်၏။ Burnley က Round 1 မှာ Tottenham ကို 3-0 ဖြင့် ရှုံးထားပြီး Sunderland ကတော့ West Ham ကို 3-0 ဖြင့် အနိုင်ရထား၏။ ဒီပွဲမှာတော့ Sunderland နိုင်သွားမယ် ထင်ပါရဲ့။
Bournemouth vs Wolves, Brentford vs Aston Villa တို့၏ ပွဲစဉ်တွေလည်း ကစားသွားဖို့ ရှိနေပါသေး၏။ United ကတော့ နက်ဖြန်မှာ Fulham အသင်းနဲ့ အဝေးကွင်းမှာ ကစားရမည် ဖြစ်၏။
FPL Game week 1 ရဲ့ hivefpl Division 2 Head to Head မှာတော့ ကိုယ့်ကို အမှတ်နည်းလှပြီ ထင်ထားတာ ကိုယ့်ထက် အမှတ် နည်းသူနဲ့တွေ့ပြီး အနိုင်ရခဲ့၏။ United ရှုံးပေမယ့် ကျနော့် Fantasy အသင်းကတော့ နိုင်တယ်ပေါ့ဗျာ။ Game week 2 မှာတော့ မည်သို့ ဖြစ်မည် မသိသေးပေ။ မနက်ခင်းပွဲမှာ Chelsea က အနိုင်ရခဲ့ပေမယ့် Cole Palmer ပါဝင်လာခြင်း မရှိသောကြောင့် အမှတ်က အရနည်းသွားခဲ့၏။ ပြီး ကိုယ့်အသင်းမှာ ခေါ်ထားသည့် West Ham က Bowen ကလည်း ပွဲထွက်ကစားခွင့်ရထားပေမယ့် ခုထိ ဖန်တီးမှုနှင့် ဂိုးသွင်းယူထားခြင်းတွေ မရှိကြသေးပေ။ လက်ကျန်ပွဲတွေကနေ အမှတ် ဘယ်လောက် ရမလဲကတော့ စောင့်ကြည့်ရုံပေါ့။
ဒီနေ့ ညနေမှာ Al Nassr vs Al Ahli တို့၏ Saudi Arabia Super Cup ဗိုလ်လုပွဲ ကစားသွားဖို့လည်း ရှိနေ၏။ မနှစ်ကလည်း Super Cup ဗိုလ်လုပွဲကို Al Nassr တို့ တက်လှမ်းနိုင်ခဲ့ပေမယ့် Al Hilal ကို 1-4 ဖြင့် ရှုံးနိမ့်သွားခဲ့ရ၏။ ဒီနှစ်တော့ Ronaldo ကို Super Cup ချန်ပီယံ အဖြစ် မြင်တွေ့ချင်မိပါ၏။