The One Thing That Instantly Lifts My Mood

To be honest, life no easy. Some days just start with wahala, and it feels like nothing dey go well at all. But even on those hard days I get one thing wey dey lift my mood sharp sharp music.

source

Music no be just sound to me, it's like my escape. Whether I’m happy, sad, tired or even confused, once I play my favorite song, e be like say my spirit dey lift. You see that moment when you hear the first beat and your body just start to move without even thinking that na pure joy. Sometimes na gospel, sometimes na old-school R&B or even afrobeats, but the important thing be say e dey take me go one better place for my mind.

There was one day I remember, I just come back from outside, the sun wicked that day, plus the trotro I enter delay me. My body and mind just dey stressed. As I reach house, I off my shoes, lie down small, and I just play one song from Asa. I no know how or why, but immediately I hear her voice, I just begin feel calm. Before I know, I dey smile like say life sweet pass honey. That na how powerful music be for me.

Another thing that makes music sweet na say e no dey judge you. Whether you cry or laugh, the music just dey there, dey follow you go. Sometimes I go sing along even when I no sabi all the lyrics I go just dey hum dey go, and before I know, my mood don change.

I get playlist wey I dey call my happy pills. Anytime I press play, even if na tears dey my eyes before, I go still manage dance small. Even if na small shoulder dance, e still dey work. Na the small small things dey really matter and for me music don be my go-to joy giver

Aside from music, sometimes call from a friend or family member dey help too. But music no need credit or airtime E just dey there free ready anytime. That’s why I value am well well

I know say different people get different things wey dey lift their spirit some like food, some like sleep, some even like to watch funny videos. But for me, as long as I get earphones and small battery l dey okay.

So if you ever see me smiling for corner or nodding head like say I dey craze no worry I no mad. I just dey inside one better moment with my music. Life hard already, make we hold tight to the small things wey dey bring us joy

Na so I see am Wetin be that one thing wey dey lift your mood too